Gaurkotasuna

• Apirilaren 10ean Jendaurreko Arreta Bulegoa (OAP) itxita egongo da.
• Apirilaren 11tik aurrera, Gizarte Segurantzaren Arreta eta Informazio Zentroan (GSIN) artatuko dugu, 9:00etatik 14:00etara. Epe horretan, salbuespen gisa, aurretiazko hitzordua beharko da arreta jasotzeko. 

 Irun, 2024ko martxoaren 26an. Apirilaren 3tik 12ra bitarte obra bat egingo da Aureliano Lopez de Becerra kalean (Kolon pasealekuaren atzealdean), inguru horretako saneamendu-sistema hobetzeko. Gaur egun, saneamendu-sistema nahiko zaharkitua eta egoera txarrean dago, eta Aureliano López Becerra (1etik 5era), Juan Arana (4tik 14ra), Gipuzkoa Etorbidea (2tik 6ra) eta Kolon pasealekua (29tik 41era) kaleek mugatzen duten etxadi osoaren isurketak biltzen ditu. Sistema hori, aldi berean, Kolon pasealekua zeharkatzen duen galeria batekin lotzen da, Cipriano Larrañagara iritsi arte.

Estolda horrekin konektatzen duen kolektore nagusia hondoratuta dago puntu zehatz batean, eta, ondorioz, saneamendu-sistemak gainezka egiten du. Arazo hori konpontzeko beharrezkoa da obra bat egitea. 5 metro inguruko sakonera duten indusketak egingo dira, hautsitako hodia konpontzeko eta, aldi berean, sistemaren zati zaharra etorkizunean ikuskatzea eta, beharbada, konpontzea ahalbidetuko duen egitura bat eraikitzeko.

Obrak eragin zuzena izango du kaleko garaje eta jardueretan: Ibilgailu zein oinezkoen sarbidea etenda egongo da 8 00etatik 19:00etara, apirilaren 3tik 12ra, egun horiek barne.

 Irun, 2024ko martxoaren 22a. Apirilaren 1ean, Itzuliaren 100. edizioa Irundik abiatuko da, eta tropelak hiriko kaleak zeharkatuko ditu apirilaren 1ean eta 2an. Txirrindularien segurtasuna eta ekitaldiaren garapena bermatzeko, ibilbideko hainbat edukiontzi mugitu beharko dira.