Nabigatzeko laguntzak

Hizkuntza aukeratzeko menua
Facebook Twitteryoutube

Kontaktua
HARREMANETARAKO
Logotipo de Txingudiko Zerbitzuak

Web orriaren edukia
 

Gaurkotasuna

Haragia eta arraina erantsiko dizkiogu gai organikoaren bilketari

Zer bota daiteke gai organikoa biltzeko edukiontzi marroira?

ARRAINA: arrain hondakinak, hezurrak, ezkatak, maskorrak, itsaskiak...
HARAGIA: haragi hondakinak, koipeak eta hezurrak, txarkuteria, hegaztiak eta ehiza, txerrikia, behikia eta ardikia...

Birziklatu zalantzarik gabe [PDF]

TARIFA MURRIZTUA
Gogoan eduki gai organikoaren gaikako bilketan parte hartzen baduzue tarifa murriztua izateko eskubidea izango duzuela, % 20 merkeago.

Alta emateko deitu 902 119 384 telefonora.

 

Txingudiko Zerbitzu Mankomunitateak 23,4 milio euroko aurrekontua onartu du 2016. urterako

Txingudiko Zerbitzu Mankomunitateak 23.466.140 euros aurrekontua onartu du datorren urterako, eta horietatik % 10,8 (2.547.035 €) inbertsioetarako izango dira.

Jarduera eremuen arabera, honela banatua dago aurrekontu hau:

  • Uraren ziklo integrala 9.778.890 €
  • Hondakinen bilketa 9.134.340 €
  • Bide garbiketa: Irun  3.671.580 €; Hondarribia 881.330 €

2016rako aurrekontuak igoera izan du aurreko urtearekin alderatzen badugu (% 1,5 igo da), batik bat inbertsioak handitu direlako eta bide garbiketa kapituluak ere handitu direlako bi hirietan.

Mankomunitateak jarraitzen du bere ahaleginak egiten eskualdeko hornikuntza eta saneamendu sareen hobekuntzan eta berrikuntzan oinarrituta, datorren ekitaldirako proiektu nabarmenekin, esate baterako, saneamenduaren birmoldaketa Anakako lorategi hiriaren eremuan (“Etxe merkeak” deituriko eremua), eta ura banatzeko adar garrantzitsuak berritzea Ibaetan eta Mendelun.

Era berean, Udal obren gauzatzearekin bat etorriz, jarraituko da hornidura eta saneamendu sareak berritzen Irungo Cipriano Larra√Īaga eta Pio Baroja kaleetan eta Hondarribiko Jabier Ugarte kalean. Era berean, partida bat aurreikusi da bi udalerriek 2016. urtean sustatuko dituzten munta txikiagoko beste obra batzuk egiteko eta uraren ziklo integralaren azpiegituretan hobekuntzak bideratu ahal izateko.

Bestalde, aurreikusten da jarraitzea edateko uraren ihesak eta saneamendu sarera egiten diren behar ez diren ekarpenak (euri urak eta itsasoko ura) murrizteko helburu handiarekin. Era berean, obra handiak egingo dira Mankomunitateak dituen instalazio guztiak, munta handikoak, mantentzeko, Iparragirre Behekoa urtegia berritzea, besteak beste.

Azkenik, uraren zikloari dagokionean, Irun eta Hondarribiko hiri eremuetan teleirakurketa ezartzeko lana bukatu ondoren, 2016. urterako aurreikusten da bi udalerrietako landa eremuetan ezartzea sistema hori.

Hondakinei dagokienean, 2016. urterako erronka nagusia izango da hondakinen bereizketa eta birziklatzea areagotzea. Azkenik, bide garbiketa indartuko da ekipamendu berria erosita: bi furgoi hidro-garbitzaile eta putzegile elektriko berriak –egungoak baino isilagoak-, pixkanaka-pixkanaka makineria berritu ahal izateko

 

Haragi eta arrain hondakinak, horiek ere edukiontzi marroira

Irungo eta Hondarribiko biztanleek, orain arte ez bezala, soilik barazkiak ez baizik eta haragi eta arrain hondakinak ere utzi ahal izango dituzte hemendik aurrera edukiontzi marroian, Txingudiko Zerbitzuak Mankomunitateak onartu duenez.

Erabaki hori hartu da ikusirik Txingudi Gipuzkoako Hondakinen Kontsortzioan eskubide osoko kide bihurtu dela eta Kontsortzioan diren gainerako Mankomunitateetan ez dela landareen eta animalien jatorriko hondakinen artean bereizketarik egiten.

Gogoan eduki behar da Txingudiko Zerbitzuak Mankomunitateak 2013. urtean zabaldu zuela eskualde osora edukiontzi marroia soilik landare jatorriko hondakinak biltzeko. Orduan ez zegoen garbi Txingudi GHKra bilduko zen ala ez, eta Txingudi Mankomunitateko arduradunek soilik landare jatorriko hondakinak biltzeko erabakia hartu zuten bi faktore kontuan izanik: alde batetik, landare jatorriko gai organikoekin lortutako konpostaren kalitatea hobea delako, balio apalagoak dituelako gazitasunean eta eroankortasun elektrikoan, eta beraz, aplikazio gehiago eman dakizkiokeelako gerora; eta bestetik, hondakinen frakzioaren zatirik handiena landare jatorriko gai organikoek hartzen dutelako, % 32 alegia, animalia (haragia eta arraina) jatorriko hondakinek % 6 hartzen duten bitartean.

2013an gure eskualdean % 56an emendatu zen bildutako gai organikoen bolumena, eta 2014an, herritarrek edukiontzi marroia erabiltzeko aukera izan zuten lehenengo urte osoan, % 116koa izan zen hazkundea aurreko ekitaldiaren aldean.

Txingudiko Zerbitzuakek espero du heldu diren hilabeteetan zifrak hobetzea, kontuan izanik abian jarri dela gai organikoak, oro har, birziklatzeko erraztasunak ematen dituen neurri hau, eta bestetik, 2016. urterako zaborrak biltzeagatiko tasa berriak onartuta gaikako bilketan parte hartzen dute etxeek prezioan % 20ko beherapena izango dutelako, gaikako bilketan parte hartzen ez dutenek ez bezala.

 

Web orriaren oina
© 2023 Servicios de Txingudi - Txingudiko Zerbitzuak (STTZ)