Gaurkotasuna

Txingudiko Zerbitzuakek urtero proposatzen ditu zenbait ekintza herritarrak, oro har, etxeko hondakinak gaika biltzeari buruz sentsibilizatzeko, gero hondakin horiek birziklatu ahal izateko. Aurten ere bai. Baina oraingoan kanpaina berria, ausarta eta atsegina izango da. Kanpaina honen bitartez hiritarrari birziklatze tasan 511 tik 50era pasatzera lagundu digun ahalegina eskertu nahi diogu bakarrizketa komiko batzuen bitartez, elkarrekin tarte on bat igarotzeko paradarekin. Testuinguru horretan, etxean sortzen diren hondakinen bereizketari umorez ekingo zaio, eta modu komikoan isla daitezke gaiari buruzko bizipen pertsonalak eta bakoitzaren konpromiso mailak.

Azaroko ostiraletan eta larunbatetan, lehenbiziko edizioa azaroaren 17an izanik, bertako hiru bakarrizketagilek beren saioak egingo dituzte eskualdeko 12 tabernatan:

EGUNERAKETA

Izan dugun eskaera handiagatik abenduaren 3an BI gala egingo dira Ficoban, bat 17 eta bestea 19 ordutan.

Lehen mailako bakarrizketagilea da, ohikoa Club de la Comedia eta Paramount Comedy saioetan, ikuskizunaren munduan profesional balioaniztuna izateaz gain. Kanpaina honetan tokiko beste hiru profesional (Mario Simancas, Ohian Vega eta Jon Txiki) egongo dira harekin eta txoratuta utziko dituzte bertaratzen diren guztiak.

Sarrera doan izango da. Ikuskizun horietarako lekua gordetzeko (gehienez 4 leku pertsona bakoitzeko), aldez aurretik 900 119 384 telefonora deitu behar da. Deiak iristen diren ordenaren arabera esleituko dira erreserbak.

Euskadiko hainbat udalerritan aurkezten ari den erakusketa ibiltaria da EXPORETRETE, egunero komunetik edo harraskatik botatzen ditugun kutsatzaileetaz informatu nahi duena. Guzti horiek, azkenean, gure itsaso eta ibaietan amaitzen dute bidea, horrek dakarren ingurunearen kutsadurarekin.

Sendagaiak, detergenteak, higiene pertsonalerako produktuak, disolbagarriak eta abar dira kutsatzaile berri hauek.

Erakusketak hamar bat panel ditu eta bertan jorratzen dira, modu errazean eta parte-hartzea bultzatuz, uraren ziklo integrala, komuna zakarrontzi gisa erabiltzearen arazoa eta saneamendu-sarearen mantentze-lanak; komunetik edo harraskatik botatzen diren toallatxo hezeen, suspertzen ari diren kutsatzaileen (sendagaiak edo etxeko produktu toxikoak) eta gantz eta koipeen tratamendu xehatuarekin.

Algunas noticias relacionadas con esta problemática:

• Un tapón de toallitas del tamaño de seis coches colapsa un canal de saneamiento en Donostia
• Una bola de más de 15 toneladas colapsa un canal en Londres

Campaña promovida por la RED DE ENTIDADES PÚBLICAS DE AGUAS DE EUSKADI

Koordinatzailea / Coordinado por:

.- Helburu bikoitza du, ur jarioak murriztea eta berotegi efektuko gasen isuria murriztea

.- Eusko Jaurlaritzaren babesa jaso du “Laguntzak Garapen iraunkorra sustatzeko” programaren bidez

Iraunkorragoa, berritzaileagoa eta aldi berean eragingarriagoa izango den kudeaketa sistema baterantz iristeko xedearekin, karbono isuriak apalagoak izango diren sistemara iristeko xedearekin, Euskadin aitzindari den sistema bat jarri du abian Txingudiko Zerbitzuakek: aplikazio informatiko baten eta “teknologia adimentsua” deitutakoaren bidez, orain arte baino azkarrago eta zehatzago hautemango ditu sistema honek jarioak ur hornidura sarean, eta horrenbestez saihestu egingo da ura ekoizteak dakarren energia gastua, eta murriztu egingo dira atmosferara igortzen diren CO2 isuriak, berotegi efektua deituaren eta klima aldaketaren eragileak.

Eusko Jaurlaritzaren “Laguntzak garapen iraunkorra sustatzeko” programaren babesa jaso du Smart Water Txingudi deritzon sistemak, 111.150 euroko kostua du eta Jaurlaritzak 24.105 euroko diru laguntza emango du.

Smart Water Txingudi sistemaren berehalako onura da ur jarioak askoz azkarrago eta zehatzago hautemateko aukera ematen duela, eta beraz, ur eskaeraren aurrean bideratu beharreko kudeaketa nabarmen hobetzeko aukera. Iazko datuen arabera, Elordiko EUTPn ekoizten den uraren % 19a galtzen da ur jarioetan, eta beraz, ura ekoizteko beharrezkoa den energiaren bolumen handia galtzen da.

Smart Water Txingudi aplikazioari esker, ur jarioak murriztuta hobe kudeatzen da eskaera eta hobe aprobetxatzen da ekoizten den ura, eta horrenbestez saihestu egiten da lehorteetan Jaizkibelgo akuiferoak baliatu behar izana, eta nabarmen murrizten dira energia gastua eta karbono isuriak.

Egindako kalkuluen arabera, Smart Water Txingudi sistema abian jarrita 162 Tona CO2 gutxiago isuriko dira atmosferara, eta argi dago ekarpen hori oso aintzat hartzekoa dela klima aldaketaren ondorioak arintzeko.