Gaurkotasuna

• Makineria berriak, CO² emisiorik ez sortzeaz gain, zarata gutxiago egiten du.
• kortzeko makina elektrikoen hasierako inbertsioa handiagoa bada ere, mantentze-lanen eta kontsumoaren gastua txikiagoa da.

Irungo Udalak Street Sweeper 2.0 modeloko lau ekortzeko makina %100 elektriko erosi berri ditu. Gas-igorpen txikiagoa, energia aurreztea eta giroko zarata gutxitzea da Udalaren apustu garbia.

Ekortzeko makina elektriko berriek 10 orduko lan-autonomia izango dute, eta bateria 100 minutuan kargatu ahal izango da erabat. Lau ekipo horiek erosteko 1.121.670 euroko inbertsioa egin da, errekuntzako makineriarena baino pixka bat handiagoa. Hala ere, Irungo alkate José Antonio Santanok azaldu duen bezala, “hasierako inbertsioa handiagoa bada ere, makinen balio-bizitzan mantentze lanen eta kontsumoaren gastua txikiagoa da, beraz, inbertsio-diferentzia hori berreskuratzeaz gain, makineria jasangarriaren eta isilagoaren aldeko apustua egiten dugu”.

Bestalde, Valentín Gonzálezek, Txingudiko Zerbitzuakeko hiri-hondakinen eta bide garbiketaren arduradunak, azaldu du errekuntza-makineria elektrikora igarotzea Txingudiko Zerbitzuaken jasangarritasunaren aldeko apustu integralaren parte dela. “2018an lehenengo ekortzeko makina elektrikoak erosi genituen, lehen eskutik, horien funtzionamendu egokia egiaztatzeko. Orain, gaur egungo makina elektrikoek dieselen ekortze-prestazio berberak eskaintzen dituztela ziurta dezakegu, baina modu jasangarriagoan, horregatik makineria elektrikoaren aldeko apustuarekin jarraituko dugu”.

Azkenik, Borja Olazabalek, Irungo Udaleko mugikortasun jasangarriko ordezkariak, makineria berriaren CO² isurketarik eza azpimarratu du. “Kontuan izan behar da makina elektriko berri bakoitzarekin urtean 22 tona C0² isurtzea ezabatzen dugula, zarata %30 gutxitzeaz gain, beraz, horrelako apustuek hiri jasangarri eta adeitsuaren eredurantz aurrera egiten laguntzen digu”.

• Bulegoa Katea auzoan egongo da martxoaren 24ra arte, eta, ondoren, Hondarribira joango da.
• Bulego ibiltarian izapideak egin daitezke, hala nola, edukiontzi marroian alta eman, poltsak jaso, etab.

Txingudiko Zerbitzuek astebete luzatu dute Irungo Bentak auzoko bulego ibiltariaren egonaldia. Beraz, bulegoa Harmugarrieta kalean, frontoiaren ondoan, jarraituko du datorren martxoaren 24ra arte. Asko dira bulegora hurbildu diren bizilagunak, bai informazioa jasotzeko, bai edukiontzi marroian alta emateko. Hala ere, altan eman gabeko helbideak daude oraindik, eta Txingudiko Zerbitzuak ahalik eta azkarren informazioa eskatzera animatu nahi ditu pertsona horiek. Leire Zubitur Txingudiko Zerbitzuetako gerenteak adierazi duenez, “aukera ezin hobea da zalantzak argitzeko eta etxetik gertu modu errazean edukiontzi marroian alta emateko”.

Azken aste hauetan, ingurumen-hezkuntzan trebatutako langileak Kateako kaleetan, dendetan eta etxeetan ibili dira, eta bilerak eta topaketak izan dituzte auzoko gizarte-eragileekin: zerbitzu publikoak, ikastetxeak, kirol- eta kultura-elkarteak, elkarte gastronomikoak, etab.

BIDASOS 2030 kanpaina aktibatu aurretik, Katea auzoko etxebizitzen %45ek bakarrik erabiltzen zuten edukiontzi marroia. Aste hauetan portzentaje hori handitu egin da, baina oraindik bidea dago egiteko. Zubiturren adierazi duenez, “gure helburua % 100era iristea da, Kateako etxebizitza guztiak jasangarriak izatera iritsi arte”. 

• Azken jarduketa horrekin amaituko da Irungo edateko ura banatzeko sare nagusiaren berrikuntza osoa.
• Obrak 286.000 euroko aurrekontua du eta 14 aste inguruko iraupena izango du.
  

2023ko urtarrilaren 23a

Aste honetan hasiko dira Irungo edateko ura banatzeko sare nagusia berritzeko lanak. Arteria berriak Bentetako industrialdea hornitzeko balioko du, eta, era berean, auzoko hiri-bilbearen banaketa hobetuko du.

Aurreko jarduketetan arteriaren zenbait zati egin ziren, baina oraindik beste bi zati amaitu gabe zeuden Araba kalean; Pasquier enpresaren aurrean dagoen aparkalekuaren amaieratik Harmugarrieta kalearekiko bidegurutzeraino doana eta Elatzeta ikastetxearen eta Andrearriaga kalearekiko lotunearen arteko zatia, Tesako biribilgunearen aurretik. Arteria 300 mm-ko diametroa eta 405mm-eko luzera duen galdaketa-hodi batek osatuko du.

Honako jarduera 2017-2025 Inbertsio Programaren barruan kokatzen da, eta, zehatzago, eskualdeko edateko uraren banaketa-sarea hobetzeko planaren barruan.

Obrak 286.000 euroko aurrekontua du eta 2023ko maiatzaren hasierara arte irautea aurreikusten da. Hala eta guztiz ere, obrek dirauten bitartean Araba kaletik zirkulatzen jarraituko da une oro, baina zenbait aparkaleku kendu beharko dira, nahikoa aurrerapenaz ezagutzera emango dena.