Gaurkotasuna

 Gaur, abenduak 27, 13:00etan, Mankomunitatearen Ohiko Batzarra egingo da Perujaraneko bulegoetan. Zuzenean jarraitu ahal izango duzue hemen klik eginez.

Txingudiko Zerbitzuakek jakinarazten dizue, Eguberriak direla eta, hondakinak biltzeko zerbitzuan aldaketak izango direla. Abenduaren 24ko eta 31ko gauetan ez dugu hondakinak biltzeko zerbitzurik emango; beraz, eskatuko dizuegu, mesedez, egun horietan zaborra eta tamaina handiko objektuak ez ateratzeko. Bestalde, gogorazi nahi dizuegu 25ean ez diegula ostalariei materia organikoa biltzeko zerbitzurik eskainiko.

Era berean, jakinarazten dizuegu egun horietan Arasoko eta Akartegiko garbiguneak goizez bakarrik egongo direla zabalik, 10:00etatik 13:00etara.

Herritar guztien laguntza eskertzen dugu gure kaleak garbi edukitzeko eta zaborra biltzeko zerbitzuaren lana errazteko.

Txingudiko Zerbitzuakek URAMUGA proiektua gauzatuko du Espainia, Frantzia eta Andorrako mugaz gaindiko garapen iraunkorra sustatzeko sortutako POCTEFA lankidetzarako programa europarraren baitan.

URAMUGAren helburua Nafarroako, Euskadiko eta Akitania Berriko mugaz gaindiko eremuetan uraren zikloa optimizatzea da, bereziki saneamendu-azpiegitura partekatuak dituzten eremuetan, hala nola Urdazubi-Ainhoan eta Txingudiko Badian.

Eskualde horietan partekatzen diren instalazioen konplexutasunari heltzen dio egitasmoak; izan ere, mugaren alde batean bildutako ura bestean garbitzen da. Helburu hori lortzeko, hainbat ekintza aurreikusten ditu uraren zikloaren gobernantza eta kudeaketa partekatua hobetzeko, eta elkarlaneko saneamendu-sistemak indartzeko. Mugaz gaindiko lurraldean ur-hornidura ziurtatzea ere proposatzen da, dauden sareak hobetuz eta sareak hornitzeko eta elkarrekin konektatzeko aukera berriak aztertuz.

Guztira 3.627.435,74 €-ko aurrekontua du planak, eta Eskualde Garapeneko Europako Funtsak (EGEF). 2.357.832,39 €-ko dirulaguntza emango du. Txingudiko Zerbitzuakek, ekimenaren sustatzailea izanik, 935.835,13 € jarriko ditu, eta 608.292,00 €-ko dirulaguntza jaso.

Lanak 24/01/01etik 26/12/31ra bitartean egingo dira, beste bazkide batzuekin lankidetzan, hala nola NILSA enpresa publikoarekin, Bera, Lesaka, Baztan, Urdazubi eta Luzaideko udalekin, eta Akitania Berriko Communauté d 'Agglomération du Pays Basquerekin. Erakunde publiko zein pribatuen arteko lankidetza honek mugaz gaindiko eremuetan uraren zikloarekin lotutako erronkei aurre egiteko konpromiso bateratua nabarmentzen du. Ekimen honekin, Txingudiko Zerbitzuakek jasangarritasunarekin, mugaz gaindiko lankidetzarekin eta eskualdeko uraren kudeaketaren etengabeko hobekuntzarekin duen konpromisoa berretsiko du.