Paperezko kafe iragazkia

Edukiontzi marroian utzi behar dira egoskin-poltsatxoak, hondarrak eta kafe iragazkiak. Bertan uzten ere dira sukaldatutako eta sukaldatu gabeko landare hondakinak, sukaldeko paper zikina, arrautza eta fruitu lehorren oskolak, fruituen hezurrak, ogi hondarrak eta kortxo naturaleko tapoiak. Ongi itxitako poltsa konpostagarrietan utzi behar dira edukiontzi marroiko hondakin guztiak, sekula ere ez plastikozko poltsetan.

Hondakinaren deskripzioa

Usteltzeko moduko gai organikoen hondakinak dira, edukiontzi marroian jasotzen diren hondakinak. Deskonposizioaren bidez konpost (ongarri organikoa) bihurtu daitezkeen hondakin organikoak dira.

Birziklatzeko prozesua

Jaso eta konposta egiteko plantara eramaten dira edukiontzi marroian uzten diren hondakinak. Plantara iristean, eduki ditzakeen gai ez organikoetatik bereizten da biohondakina, ondoren inausketetatik etorritako hondakinekin nahasteko (material egituratzailea). Pilatan metatzen da nahasketa hau, eta aldiro-aldiro iraultzen da egokiro aireztaturik eta homogeneizaturik egon dadin.

Lehen fase hau igarota, nahasketa heltzeko fasea iristen da, konposta osatzeko. Konposta osatzean bahetu egiten da. Azkenik, biltegiratu egiten da konposta eta kontrol analitikoak eta fisikoak, kimikoak eta bakteriologikoak egiten zaizkio. Laborantzan eta lorezaintzan lurrarentzako ongarri organiko gisa erabiltzen da gisa honetan lortutako konposta.

Zehazki Txingudin

Txingudiko Zerbitzuakek jaso eta Azpeitian dagoen Lapatxeko konpost plantara eramaten ditu edukiontzi marroian utzitako hondakinak. “Gipuzkoako Konposta” da Lapatxeko Konpost Plantan lortzen den konpostak merkatuan duen izena.

Estatistika

Txingudiko biztanle bakoitzak urtean gutxi gorabehera 2,49 kilogramo uzten ditu hondakin organikoetan edukiontzi marroian.