Sarreran adierazi bezala, hiri hondakinak dira partikularren etxeetan, dendetan, bulegoetan eta zerbitzuetan eta beste lekuetan sortzen diren hondakinak, arriskutsuak ez direnak eta, beren izaeragatik eta osagaiengatik, arestian azaldutako lekuetan sortzen direnen pareko direnak. Honenbestez, gaikako bilketa eraginkorragoa izan dadin eta ondorioz birziklatze tasak emendatu daitezen, industrialdeetan frakzio batzuk “atez ate” biltzen dira, esate baterako, papera-kartoia, egurra, hondakin geldoak, bolumen handiko hondakinak eta hondakin organikoak.
Kamioarekin jasotzeko edukiontzi egokietan botako dira hondakinak eta edukiontzi horiek enpresatik kanpo atera behar dira jasotzea tokatzen zaien egunean.
- GELDOAK: Plastiko gogorra, hodiak, metalezko zatiak, DM, poliespana, apar-goma, eskularruak, etiketen papera, kautxua, pertxak ...
- ZURA: Zur naturala, paletak, zurezko kutxak...
- KARTOIA: Papera eta Kartoia, oro har.
- PLASTIKO BIRZIKLAGARRIA: Plastiko fina oro har, (bilgarren plastikoa, burbuilen plastikoa).
- ONTZIAK: Plastikozko ontziak (botilak, poltsak ...), metalezko ontziak (potoak, zilar papera ...) eta tetrabrickak.
- ORGANIKOA: Materia organiko guztia (janari hondarrak, paper zikina urarekin edo hondakin organikoekin ...) EZIN DA ORGANIKOA EZ DEN EZER BOTA.
