Bidasoa Beherea, 2026ko apirilaren 30a. Txingudiko Zerbitzuak-ek Merka2dasoaren edizio berri bat antolatu dute, herritarren artean kontsumo ohitura arduratsuagoak sustatzeko. Hitzordua datorren maiatzaren 23an izango da, Irungo Zabaltza plazan, 10:00etatik 14:00etara.
Merka2dasoa topagune gisa finkatu da, herritarrei objektuei bigarren bizitza emateko aukera eskainiz eta hondakinen sorrera murrizten lagunduz. Ekimenak, halaber, bigarren eskuko merkatuen balioa nabarmentzea du xede, berrerabilera praktika irisgarri eta ohiko gisa sustatuz.
Parte-hartzea irekia eta doakoa
Parte hartu nahi duten pertsonek bigarren eskuko objektuak saltzeko postua eskatu dezakete Txingudiko Zerbitzuak-eko webgunean (www.txinzer.eus) eskuragarri dagoen galdetegiaren bidez. Izena emateko epea maiatzaren 16ra arte egongo da zabalik. Nolanahi ere, lekurik balego, epea maiatzaren 20ra arte luzatu ahal izango da.
Artikulu guztiek erabilitakoak eta egoera onean egon behar dute. Ez da onartuko produktu berrien, stock-ekoen edo berariaz saltzeko egindako artikuluen salmenta, hala nola eskulanak, bitxigintza edo helburu horretarako sortutako artelanak.
Aurreko edizioetan bezala, Merka2dasoak gordailuko salmentarako gune espezifiko bat izango du. Bertan, edonork gehienez 10 objektu erregistratu ahal izango ditu, eta antolakuntzak haien kudeaketa eta balizko salmenta bere gain hartuko ditu. Horretarako, nahikoa izango da egunean bertan informazio gunera hurbiltzea.
Sendotuta dagon ekimena
Txingudiko Zerbitzuak-ek urtero bost Merka2dasoa azoka antolatzen ditu: hiru orokorrak, mota guztietako bigarren eskuko objektuekin, eta beste bi bizikletei bereziki eskainiak.
Kasu guztietan, parte-hartzea doakoa da, ekimenaren izaera irekia eta irisgarria indartuz.