Bidasoa Beherea, 2026ko martxoaren 16a. Azken egunotan, Bidasoa eskualdeko uraren kalitateari buruzko hainbat mezu zabaldu dira sare sozialetan eta mezularitza-aplikazioetan. Informazio horien aurrean, Txingudiko Zerbitzuak-ek herritarrei azaldu nahi die nola funtzionatzen duen edateko uraren control sistemak.
Txingudiko Zerbitzuak Bidasoa Behereako eskualdean kontsumorako uraren kalitateari dagokionez Osasunaren Kontrol eta Zaintza Unitatea den heinean, edateko uraren kalitatea etengabe kontrolatzen da indarrean dagoen araudiak ezarritako protokolo tekniko eta sanitarioen arabera. Kontrol hori entitateak eskaintzen dituen funtsezko zerbitzuen parte da, eta gutxieneko zerbitzuak ezarrita ditu jarraitutasuna bermatzeko, gaur egungo greba mugagabearen egoera dela eta.
Testuinguru horretan, laborategiko lanpostuak gutxieneko zerbitzu gisa lanean jarraitzen du, eta bertatik egiten dira beharrezko analisi eta kontrolak, urak une oro osasun araudiak ezarritako parametroak betetzen dituela egiaztatzeko.
Halaber, hornidura eta saneamendu sistemen jarraipena normaltasunez egiten jarraitzen da, eta horri esker eskualdeko etxeetara iristen den uraren kalitatea bermatzen da.
Txingudiko Zerbitzuak-ek gogorarazi nahi du edateko uraren kontrola osasun publikoa babesteari lotutako erantzukizuna dela, eta, beraz, erakundeak aldian behin beharrezko analisiak eta egiaztapenak egiten dituela urak osasun berme guztiak betetzen dituela ziurtatzeko.
Horrez gain, zerbitzu honekin lotutako edozein kontsulta argitzeko ohiko komunikazio bideak ere aktibo mantentzen dira. Erabiltzaileek entitatearekin harremanetan jar daitezke sare sozial ofizialen bidez (Facebook eta Instagram), doako arreta telefonoaren bidez (900 119 384), posta elektronikoaren bidez (txingudi@txinzer.eus) edo Herritarren Arretarako Bulegoan, Junkal kalea 26, behekoa (Irun) helbidean, 08:30etik 14:00etara.
Txingudiko Zerbitzuak-ek eskualdean eskaintzen dituzten zerbitzuei buruzko informazioa ematen jarraituko dute ohiko moduan. Edozein gorabehera edo entitatearen jarduerari buruzko informazioren aurrean, herritarrei gomendatzen zaie erakundearen kanal ofizialak kontsultatzea, egiazko informazio eguneratua eskuratzeko.