Nabigatzeko laguntzak

Hizkuntza aukeratzeko menua
Facebook Twitteryoutube

Kontaktua
Jendeari harrera egiteko bul.: Irun (soilik aurretiko hitzorduarekin)
Junkal kalea, 26 behea (8:30 - 14:00).

Hondarribia
Javier Ugarte Kalea, 6 (8:30 - 14:00).
Harrera bezeroei
Kontsultak eta iradokizunak
Logotipo de Txingudiko Zerbitzuak

Web orriaren edukia
  • Hasiera
 

Hiri hondakinen kudeaketa arautzen duen ordenantza berria jendaurrean jartzeko fasea

 Dagokion espedientean jasota dauden azterlanak eta jarduketak egin ondoren, Txingudiko Zerbitzuen Mankomunitatearen Batzarrak, 2024ko abenduaren 20an egindako bilkuran, hiri-hondakinen kudeaketa arautzen duen ordenantza berria hasieran onartzea eta erabaki hori jendaurrean jartzea erabaki zuen.

Hartutako erabakiak eta ondorio horietarako hasitako espedienteak jende aurreko informazio-tramitean jarriko dira, komunikabide ofizial honetan, Mankomunitatearen Ediktu-taulan Servicios de Txingudi - Txingudiko Zerbitzuak S.A.ren bulegoetan, www.txinzer.eus gunean eta Gipuzkoan hedatueneko bi egunkarietan argitaratuko diren iragarkien bidez, hori guztia honako arau hauek kontuan harturik:

  • a) Agerian agertzen diren lekua: Irungo Olaberria auzoko 18 zk.an kokaturik dagoen Mankomunitatearen egoitzan.
  • b) Espedienteak aztertzeko epea eta, hala balitz, erreklamazioak aurkeztekoa: 30 egun baliodun, iragarki hau Gipuzkoako Aldizkari Ofizialean argitaratzen den biharamunetik kontaturik. Epea martxoaren 18an amaituko da (egun hori barne). Egoitzako bulegoen ordutegia 08:30etik 14:00etara astelehenetik ostiralera.
  • c) Erreklamazioak aurkezteko gaituak: Interesdunak, Administrazio Publikoen Administrazio Prozedura Erkidearen Legearen 4. artikuluan aurreikusitakoaren arabera.
  • d) Aurkezpen lekua: Irungo Juncal kaleko 26.ean dagoen Mankomunitateko Sarrera Erregistro Nagusian (ordutegia astelehenetik ostiralera 8:30etik 14:00etara baina AURRETIKO HITZORDUA eskatu behar da 900119384 telefonora deituta edo txingudi@txinzer.eus helbidera idatzita). Administrazio Publikoen Administrazio Prozedura Erkidearen Legearen 16. artikuluan adierazitako lekuetan ere aurkeztu ahal izango dira, baita jarraian azaltzen den estekaren bidez:

    Alegazioak aurkezteko formularioa

  • e) Erreklamazioa aurkezten zaion organoa: Mankomunitateko Batzarra.

Jendaurrean jartzeko epea amaituta, eta erreklamaziorik aurkeztu ez bada, Ordenantza aldatzeko erabakia, ordura arte behin-behinekoz hartutakoa, behin betiko hartu dela ulertuko da.

Dokumentazioa

Hiri hondakinen kudeaketa arautzen duen ordenantza [PDF]

 

Web orriaren oina
© 2025 Servicios de Txingudi - Txingudiko Zerbitzuak (STTZ)