Ate irekiak eguna Uraren Munduko Egunaren harira (2007an)
Helburua
Uraren Munduko Eguna tarteko, martxoak 22, Txingudiko Zerbitzu Mankomunitateak ate irekiak eguna eskaini zien nahi zuten bidasoatar guztiei, uraren ziklo integralarekin estu lotuta dauden instalazioak hiritar orori erakusteko xedean. Egun hau martxoaren 25ean gertatu zen, igandez, eta uraren hornikuntzarekin zerikusia duten instalazioak izan zituzten hiritarrek ikusgai: Endara urtegia eta Elordiko Edateko Ura Tratatzeko Planta.
Nondik norakoak
Instalazioetara hurbildu ziren 43 lagunen parte hartzea lortze aldera, Servicios de Txingudi - Txingudiko Zerbitzuak elkarteak albiste-iragarki bat eman zuen argitara tokiko irratian, eta beste iragarki bat tokiko prentsan, martxoak 25 baino bi aste lehenago. Bisitaldi honetan izan nahi zutenek izena eman behar zuten aldez aurretik, eta gisa honetan, bisitaldiaren egunean gidari izandako ingurumen hezitzaileek ondo asko zekiten bisitarien eskuragarri ipinitako doako autobusaren geltoki bakoitzean zenbat lagunek igo behar zuten.