Bisita gidatua Endarako urtegira eta Elordiko edateko uren araztegira

Bidasoa Beherea, 2024ko martxoaren 12a. Martxoaren 22an Uraren Munduko Eguna dela eta, Txingudiko Zerbitzuakek bisita gidatua antolatu du martxoaren 24an, igandea, Endarako urtegira eta Elordiko edateko uren araztegira.

Bisitan parte hartzeko aukera herritar gehoagok izan dezaten, bi talde antolatuko ditugu. A taldeak Elordiko Edateko Uraren Tratamendurako Estazioan (EUTE) hasiko du bisita, bertatik bertara ezagutzeko nola bermatzen dugun kalitatezko uraren hornidura  Irun eta Hondarribian. Ondoren, San Anton urtegira joango da taldea, ura edateko makinara garraiatzeko erabiltzen den sistema ezagutzeko. B taldeak alderantzizko ordenan egingo du ibilbidea, Endarako urtegitik abiatuta.

Bisita doakoa izango da eta bost orduko iraupena izango du  gutxi gorabehera, garraio denborak barne. Lehendabiziko txandako ordutegia 9:00etatik 14:00etara izango da, eta bigarrena 9:50etik 14:40ra. Bisita gidatuan izena emateko, txinzer.eus webgunean dagoen inprimakia bete beharko du parte hartzeko interesa duenak. Inprimakian bertan bisitaren txanda nahiz autobus geltokia aukeratu beharko da.

Plaza kopurua mugatua da eta izen-emate hurrenkeraren arabera esleituko dira. Txingudiko Zerbitzuakek doako autobus zerbitzua jarriko dute parte-hartzaileentzat.