Merka2dasoak Txinzerrek antolatzen dituen bigarren eskuko merkatuak dira. Sortzen ditugun hiri-hondakinen prebentzioa sustatzeko helburuarekin, herritarrei berrerabilera praktikatzen laguntzeko topagune bat eskaintzen die, bigarren eskuko merkatuak duintzen.
Horregatik, salmentan edo trukean jarriko diren produktu guztiak erabiliak eta egoera onean egon beharko dute. Ezingo da material berririk, stockeko soberakinik, ezta apropos sortutako eskulanik, bitxigintzarik, edo artelanik saldu.
Urtero, Txinzerrek bost Merka2dasoa antolatzen ditu:
- Hiru generiko, bigarren eskuko elementu guztiekin.
- Bizikleten bi espezifiko.
Horien egutegia webgune honetan bertan argitaratu ohi da maiatzetik aurrera, eta orduan parte hartu nahi duten pertsonek, elkarteek eta ikastetxeek bigarren eskuko objektuak saltzeko postu bat eskatu ahal izango dute www.txinzer.eus webgunean aktibatuko den formularioa betez.
Eskaerak hautatzeko irizpideak:
- Irunen edo Hondarribian erroldatuta egotea.
- Urte berean aurretik parte hartu ez dutenak lehenestea.
- Urte berean parte hartze gutxiago izan dutenak lehenestea.
- Eskaeraren iritsiera ordena.
Merka2dasoan, halaber, gordailuan saltzeko gune bat dago, hau da, edonork bigarren eskuko 10 objektu erregistratzeko lekua. Erakundea arduratzen da horiek zaintzeaz eta, halakorik gertatuz gero, transakzioa egiteaz. Nahikoa da Merka2dasoa ospatzen den egunean bertaratzea eta arreta jasoko duen informazio-gunera hurbiltzea.
Bizikleten Merka2dasoaren kasuan, interesdunak ere aldez aurretik eman behar du izena materiala erregistratzeko ordu bat inguru esleitzeko. Bi kasuetan, parte-hartzea doakoa da.